இன்றைய மருத்துவம்

உடல் எடையை குறைக்க வேண்டுமா? இதோ உங்களுக்கான எலுமிச்சை டயட்

அனைவருக்குமே எலுமிச்சையில் நிறைய உடல் மற்றும் அழகு நன்மைகள் நிறைந்துள்ளன என்பது தெரியும்.  அதிலும் இந்த புளிப்புச் சுவையுடைய பழம் உடலில் உள்ள தேவையற்ற கொழுப்புக்களைக் கரைத்து, உடலை ஸ்லிம்மாகவும், ஆரோக்கியத்துடனும் வைத்துக் கொள்ள உதவும் என்பதும் தெரிந்த விஷயமே.

எனவே உடல் எடை மற்றும் அழகைப் பராமரிப்பதற்கு எலுமிச்சை ஜூஸை மட்டும் குடிக்காமல், உண்ணும் உணவிலும் எலுமிச்சையைப் பயன்படுத்து நல்ல பலனைத் தரும்.  எலுமிச்சை டயட் மேற்கொள்ளும் போது திட உணவுகளான அரிசி அல்லது கோதுமையால் செய்யப்படும் உணவுகளை சிறிது நாட்கள் அதிகம் சாப்பிடக் கூடாது.

இதே போன்று கார உணவுகளையும் தவிர்க்க வேண்டும். ஏனெனில் கார உணவுகள் உடலில் டாக்ஸின்களின் அளவை அதிகரிப்பதோடு, செரிமான மண்டலத்தையும் பாதிக்கும்.

காலை உணவு

எலுமிச்சை டயட்டை மேற்கொள்பவர்களுக்கு லெமன் பேன்கேக் ஒரு சிறந்த காலை உணவு. இதனால் வயிறு நிறைந்திருப்பதோடு நல்ல சுவையாகவும், உடல் எடையைக் குறைக்கக்கூடிய உணவாகவும் இருக்கும்.

எலுமிச்சை- தேன்

தினமும் காலையில் வெறும் வயிற்றில் ஒரு டம்ளர் வெதுவெதுப்பான எலுமிச்சை ஜூஸில், தேன் சேர்த்து குடித்து வந்தால் உடலில் உள்ள அனைத்து நச்சுக்களும் வெளியேறி, உடல் எடை விரைவில் குறையும்.

எலுமிச்சை ஜூஸ்

ஒரு நாளைக்கு அவ்வப்போது எலுமிச்சை ஜூஸை குடித்தால் உடல் வறட்சி நீங்கி, நச்சுக்கள் வெளியேறி, அடிக்கடி பசி ஏற்படுவதும் தடைப்படும்.  குறிப்பாக எடை குறைக்க நினைப்போர், ஜூஸில் சர்க்கரை சேர்ப்பதை தவிர்க்க வேண்டும்.

லெமன் பை(Lemon Pie)

டயட்டில் இருப்பவர்கள், நிச்சயம் க்ரீம் உள்ள உணவுப் பொருட்களை அறவே தொடக்கூடாது. குறிப்பாக செயற்கை இனிப்புக்களைப் பயன்படுத்தி செய்தவற்றை சாப்பிட்டால், இரத்த சர்க்கரையின் அளவு அதிகரித்து, உடலில் கொழுப்புக்களும் அதிகரிக்கும்.  எனவே இத்தகைய க்ரீம்களை சாப்பிடுவதற்கு பதிலாக லெமன் பை சாப்பிடுவது சிறந்தது.

எலுமிச்சை சூப்

எடையை குறைக்க நினைக்கும் போது அதிகப்படியான நீர்பானங்களை குடிக்க வேண்டியிருக்கும், அதற்காக எப்போதுமே ஜூஸ் குடிக்க முடியாது.  ஆகவே அப்போது அதற்கு பதிலாக சூடான எலுமிச்சை சூப் சாப்பிட்டால், புத்துணர்ச்சியுடன் இருப்பதோடு, உடல் எடையும் குறையும்.

முதுமையை தடுக்கும் செம்பருத்தியின் மருத்துவ பலன்கள்!

செம்பருத்தி மிதவெப்ப மற்றும் வெப்ப மண்டல பகுதிகளில் வளரும் அழகிய பூச்செடி வகையைச் சேர்ந்ததாகும். பல்வேறு வகைகளில் வளரும் இந்த செடியில் தனித்தன்மை வாய்ந்த அழகிய பூக்கள் பூக்கும். 

செம்பருத்தி அபரிமிதமான மருத்துவ குணங்கள் உள்ள செடியாகும். 

செம்பருத்தி இலைகள் மருத்துவ பயன்பாட்டுக்கு மட்டுமல்லாமல், பல்வேறு வழிமுறைகளிலும் கையாளப்பட்டு வருகிறது. 

செம்பருத்தி பூவிலிருந்து தயாரிக்கப்படும் தேநீர் பல்வேறு நாடுகளில் பல்வேறு பெயர்களில் புகழ் பெற்று விளங்குகிறது. 

ஆயுர்வேதத்தில், சிவப்பு மற்றும் வெள்ளை செம்பருத்தி உயர்ந்த மருத்துவ குணம் கொண்டவைகளாவும், இருமல், முடி உதிர்தல் மற்றும் நரைத்தல் போன்றவற்றிற்கு அருமருந்தாகவும் குறிப்பிடப்பட்டுள்ளன. 

முடி உதிர்தலை தடுத்தல் 
செம்பருத்தி இலைகள் மற்றும் பூவின் இதழ்களை அரைத்து செய்யப்பட்ட கலவை முடி உதிர்வதை தடுப்பதற்கான இயற்றையான பொருளாக உள்ளது. 

அது முடியின் நிறத்தை கருமையாக வைத்திருக்கவும், ஷாம்பு போட்ட பின்னர் தலைக்கு போடும் போது பொடுகுகளை நீக்கவும் உதவுகிறது. 

தேநீர் 

செம்பருத்தி இலைகளில் இருந்து எடுக்கப்பட்ட தேநீர் பல்வேறு நாடுகளிலும் அதன் மருத்துவ குணத்திற்காக பயன்படுத்தப்பட்டு வருகிறது. 

சிறுநீரகத்தின் பிரச்னைகளின் போது, இயற்கையான முறையில் அதனை சரி செய்ய சர்க்கரை இல்லாமல் இந்த செம்பருத்தி தேநீரை பருக வேண்டும் மற்றும் மன அழுத்தத்துடன் இருக்கும் வேளைகளில் நம்மை சாந்தப்படுத்தவும் இந்த தேநீர் உதவுகிறது. 

சரும பாதுகாப்பு 

அழகு சாதன பொருட்களில், சரும பாதுகாப்பிற்காக பயன்படுத்தப்படும் பொருட்களை செம்பருத்தி கொண்டிருக்கிறது. 

சீன மருத்துவத்தில், செம்பருத்தி இலைகளில் இருந்து எடுக்கப்படும் சாறு சூரிய-கதிருக்கு எதிரான புறஊதாக் கதிர்வீச்சினை ஈர்க்கவும் மற்றும் தோலில் ஏற்படும் சுருக்கங்களை அகற்றவும் பயன்படுத்தப்பட்டிருக்கிறது. 

இரத்த அழுத்தத்தை குறைத்தல் 
செம்பருத்தி இலை தேநீரை பருகுவது தொடர்பான ஆய்வுகளின் முடிவில் உயர் இரத்த அழுத்தத்தால் பாதிக்ப்பட்டிருந்து பல நபர்களின் இரத்த அழுத்த அளவை குறைத்துள்ளது தெரிய வந்துள்ளது. எனவே, இரத்த அழுத்தத்தை குறைப்பதற்காக தொடர்ச்சியாக சாப்பிட வேண்டிய மருந்தாக செம்பருத்தி இலை உள்ளது. 

காயங்களை குணப்படுத்துதல் 

திறந்த காயங்கள் மற்றும் புற்றுநோயினால் உருவான காயங்களின் மேல் போடுவதற்காக செம்பருத்தியில் இருந்து எடுக்கப்பட்ட எண்ணைய் பயன்படுகிறது. 

புற்றுநோயின் ஆரம்ப காலங்களில் இது மிகவும் பயனுள்ளதாக உள்ளது. திறந்த காயங்களை வேகமாக குணப்படுத்த செம்பருத்தி சாறு உதவுகிறது. 

கொழுப்பை குறைத்தல் 
செம்பருத்தி இலை தேநீர் L D L கொழுப்பின் அளவை குறைப்பதில் மிகவும் திறன் வாய்ந்த மருந்தாக உள்ளது. தமனிகளின் உள்ளே உள்ள அடைப்புகளை நீக்குவதன் மூலம், கொழுப்பின் அளவை இவை குறைக்கின்றன. 

இருமல் மற்றும் ஜலதோஷம் 

செம்பருத்தி இலைகளில் பெருமளவு குவிந்து கிடக்கும் வைட்டமின் சி-யை தேநீராகவும், சாறாகவும் பிழிந்து குடிக்கும் போது அது சாதாரண ஜலதோஷம் மற்றும் இருமலுக்கான எதிர்ப்பு சக்தியை உருவாக்குகிறது. 

உங்களுடைய ஜலதோஷத்தை வெகு சீக்கிரத்தில் வெளியே அனுப்ப செம்பருத்தி உதவுகிறது. 

எடையை குறைத்தல் மற்றும் ஜீரணம் 
இயற்கையாகவே பசியை குறைக்கும் குணத்தை கொண்டிருக்கும் செம்பருத்தியை உணவில் சேர்த்துக் கொள்வதால் எடையை குறைக்க முடியும். 

செம்பருத்தி இலை தேநீரை குடிப்பதன் மூலம் நீங்கள் மிகவும் குறைவாக உணவு உண்ணவும் மற்றும் உண்ட உணவை வேகமாக ஜீரணம் செய்ய வைத்து தேவையில்லாத கொழுப்பை குறைக்கவும் முடியும். 

மூப்பினை தள்ளிப் போடுதல் 

செம்பருத்தி இலைகளில் ஆக்ஸிஜன் எதிர்ப்பு பொருட்கள் மிகவும் அதிக அளவில் உள்ளன. 

இந்த பொருட்கள் உங்கள் உடலிலுள்ள கிருமிகளை எதிர்த்து நாசம் செய்யும் வல்லமை படைத்தவையாக இருப்பதால், உங்களுக்கு வயதாவது தள்ளி வைக்கப்பட்டு, நீங்கள் நீண்ட இளமையுடன் இருக்க வைக்க உதவுகிறதது 

------------------------------------------------------------------------------------------------------------------------------------------------------------------

இன்றைய காலத்தில் பெரும்பாலும் அனைவரும் பெரிதும் பாதிக்கப் படுவது சிறுநீரகக் கல் ஆகும். இந்த பிரச்சனைக்கு 20 வயது இளைஞர்கள் கூட ஆனாகி அவதிப்படுகின்றனர்.  இதற்கு பல காரணங்கள் உண்டு. ஆனால் அவற்றில் பெரும் காரணமாக இருப்பது உடலுக்கு தேவையான தண்ணீரை   குடிக்காதது, உப்புகள் அதிகம் உள்ளஉணவுகளை உண்பது, கால்சியம் சத்துக்கள் அளவுக்கு அதிகமாக இருப்பது, சிறுநீர் பாதையில் கிருமி தொற்று ஏற்பட்டு, அந்த கிருமி சிறுநீர் குழாயை அரித்து புண் ஆக்கி, குழிகளை உண்டாக்குவதோடு, அந்த வழியாக சிறுநீரின் மூலம் வெளியேறும் உப்புகள் சரியாக வெளியேறாமல் தங்கிவிடுதல் போன்றவற்றால் ஏற்படும்.

அந்த பிரச்சனையை போக்க ஒரே சிறந்த வழி எலுமிச்சை சாற்றைப் பருகுவது தான். இது ஏதோ ஒரு மூடநம்பிக்கை அல்ல. ஆராய்ச்சி மூலம் நிரூபிக்கப்பட்டுள்ளது. மேலும் இதனை அமெரிக்காவின் சான் டியாகோ கிட்னி ஸ்டோன் சென்டரின் (Santiago Kidney stone centre)இயக்குநர் ரோஜர் எல்சர் என்பவர்  இதனை ஆய்வின் மூலம் நிரூபித்துள்ளார்.  அந்த ஆய்வில் எலுமிச்சைச் சாறு பருகுவதால் சிறுநீரகத்தில்  கற்கள் உருவாவது தடுக்கப்படுகிறது என்று கூறுகிறார்.

பொதுவாக பழச்சாறுகளை அதிகமாக பருகினால் உடலில் உப்புகள் சேருவதைத் தடுக்கலாம். அதிலம் சிட்ரிக் ஆசிட் அதிகம் இருக்கும் பழங்களை சாப்பிட்டால் நல்லது. அதிலும் அந்த சிட்ரிக் ஆசிட் எலுமிச்சையிலேயே அதிகமாக உள்ளது.

அதிலும் இந்த எலுமிச்சையை சாறு பிழிந்து தண்ணீரில் கலந்து, தினமும் ஒரு வேளை பருக வேண்டும்.  இதனால் சிறுநீரகத்தில் உருவாகும் கல்லானது ஒன்றிலிருந்து 0.13 விகிதமாகக் குறைகிறது என்றும் ஆதாரப்பூர்வமாக நிரூபிக்கப்பட்டுள்ளது.

சிறுநீரக கல்லின் வகை மற்றும் அறிகுறிகள்.

கால்சியம் வகை கற்கள் :   அந்த கற்கள் சிறுநீரகத்தில் இருந்து சிறுநீர் வெளியேறும் போது கற்கள் நகர்ந்து முதுகு வலி, சிறுநீரில் இரத்தம், காய்ச்சல் போன்ற அறிகுறிகள் ஏற்படும்.

யூரிக் ஆசிட் வகை கற்கள் :   இந்த பொருள் சிறுநீரில் இருக்கும் பொருள் தான். ஆனால் இது அளவுக்கு அதிகமாக சேரும் போது, அந்த பொருள் முழுவதுமாக வெளியேறாமல், உடலிலேயே தங்கிவிடும். இது அதிக புரோட்டீன் உணவுகளை உண்பவருக்கு ஏற்படும்.    இதனால் வயிற்றில் வலி ஏற்படும்.

மான் கொம்பு கற்கள் :   இது மானின் கொம்பு போன்று இருக்கும். மேலும் உடலில் கிறிஸ்டைன் என்ற வகை அரிய கற்களும் சிறுநீரகத்தில் உருவாகின்றன.

ஏற்கனவே கற்கள் இருந்து அதனால் எந்த பிரச்சனையும் இல்லாமல் இருந்தால், அதனை சாதாரணமாக விடாமல் உடனடியாக மருத்துவரை அணுக வேண்டும் என்றும் கூறுகிறார். அதே சமயம் எலுமிச்சை சாற்றையும் தொடந்து பருக வேண்டும் என்றும் அறிவுறுத்துகிறார்

------------------------------------------------------------------------------------------------------------------------------------------------------------------

புகை பிடிப்பவர்களே !

இன்றைய காலத்தில் புகைப்பழக்கம் முஸ்லிம்கள், முஸ்லிமல்லாதவர்கள், சிறியவர்கள், பெரியவர்கள், ஆண்கள், பெண்கள் என்ற வித்தியாசம் இல்லாமல் பலதரப்பட்டவர்களிடமும் காணப்படுகின்றது. புகையிலையை வெற்றிலையுடன் சேர்த்து

அல்லது மூக்குப் பொடியாக, சிகரட், பீடி, சுருட்டு, போன்ற பல அமைப்புக்களில் பயன்படுத்துகின்றனர். அவ்வகையில் புகைப்பவர்களுக்கு வருகின்ற ரமழானை முன் நிறுத்தி சில மறுமை வெற்றிக்காக, உங்கள் சிந்தனைக்காகக் குறிப்பிடலாம் என நினைக்கின்றேன்.

அன்றாடம் புகைப்பழக்கத்திற்கு அடிமையானவர்கள் அதிலிருந்து விடுபட்டுக் கொள்ள முடியாமல் தவிக்கலாம். விலக வேண்டும் என்ற எண்ணம் கொண்ட நல்லவர்களுக்கு நல்லதோர் சந்தர்ப்பமாக இந்த ரமழான் அமைகின்றது.

ஹலாலான பல்வேறு விடயங்களைத் தடுத்துக் கொள்ள துணியும் நோன்பாளிகள் தங்களின் நடைமுறையிலிருந்து புகைப்பழக்கத்தைத் துடைத்தெறிய இந்த ரமழான் சந்தர்ப்பமளிக்கிறது. அடுத்த ரமழான் நிச்சயமில்லை. ‘காற்றுள்ள போதே தூற்றிக் கொள்!’ இது சிந்திக்கப்பட வேண்டுமல்லவா?

01. புகைத்தல் என்பது தூய்மையற்றதாகும்:
அல்லாஹ் மனித சமுதாயத்துக்கு தூய்மையானவற்றை ஆகுமாக்கியும், தூய்மையற்றவற்றை தடுத்தும் இருக்கின்றான்.

‘அவர்கள்தான் (எழுத்தறிவற்ற) உம்மி நபியான இத்தூதரைப் பின்பற்றுவார்கள். அவர் குறித்து எழுதப் பட்டிருப்பதை, தங்களிடமுள்ள தவ்ராத்திலும் இன்ஜீலிலும் கண்டு கொள்வார்கள். அவர் அவர்களுக்கு நன்மையை ஏவி, தீமையை விட்டும் அவர்களைத் தடுப்பார். தூய்மையானவற்றை அவர்களுக்கு ஆகுமாக்கி, தீயவற்றை அவர்களுக்குத் தடை செய்வார். மேலும், அவர்களது சுமையையும், அவர்கள் மீதிருந்த விலங்குகளையும் அவர்களை விட்டும் நீக்குவார். எவர்கள் அவரை நம்பிக்கை கொண்டு, அவரைக் கண்ணியப்படுத்தி, அவருக்கு உதவியும் செய்து, அவருடன் இறக்கப்பட்டிருக்கும் (குர்ஆன் எனும்) ஒளியையும் பின்பற்றுகின்றார்களோ அவர்கள்தாம் வெற்றியாளர்கள்.’ (7:157)

‘தீயது அதிகமாக இருப்பது உம்மைக் கவர்ந்த போதிலும், தீயதும் நல்லதும் சமமாக மாட்டாது என்று (நபியே) நீர் கூறுவீராக! சிந்தனையுடையோரே நீங்கள் வெற்றிபெறும் பொருட்டு அல்லாஹ்வை அஞ்சிக் கொள்ளுங்கள்.’ (5:100)

ஏனெனில், தூய்மையற்ற வாடை அதிலிருந்து வெளிப்படுகின்றது. அதேபோல் புகையிலையாது எந்தவொரு மிருகமும் கூட உண்ணாத ஒரு பயிராக இருக்கிறது. அப்படிப்பட்ட பயிரிலிருந்தே இந்த பீடி, சிகரட், சுருட்டு… என்பன உற்பத்தி செய்யப்படுகின்றது. இவ்வாறு ஒதுக்கப்படுகின்றவைகள் தூய்மையற்றவை என்பதை நாம் எமது பகுத்தறிவைக் கொண்டு விளங்கிக் கொள்ள முடியும்.

புகைத்தல் என்பது தூய்மையற்றதாகும். எனவே அல்லாஹ் ஹராமாக்கியுள்ள, தூய்மையற்றதை புகைக்கலாமா?

02. புகைத்தல் வீண்விரயமாகும்:
புகைத்தல் மூலமாக நூற்றுக்கு ஒரு வீதம் கூட நலவில்லை. மாறாக நூற்றுக்கு நூறு வீதம் மனிதனுக்கு கெடுதியையே ஏற்படுத்து கின்றது. இவ்வாறு பிரயோசனமில்லாத ஒன்றுக்காக செலவழிப்பது பெரும் பாவமாகும்.

ஒரு மனிதன் புகைத்தலுக்காக தன் பணத்தை எவ்வளவு வீணாக்குகிறான் என்பதைப் பாருங்கள். ஓரு சிகரட்டின் விலை 5.00 ரூபா (உதாரணமாக) எனில், அம்மனிதன் ஒரு நாளைக்கு 5 சிகரட்கள் குடிப்பதாக இருந்தால்,

ஒரு நாளைக்கு                                 5   x 5.00                 =  25.00
ஓரு வாரத்துக்கு                              7   x 25.00               =   125.00
ஒரு மாதத்துக்கு                             30  x 125.00              =   750.00
ஒரு வருடத்துக்கு                           12  x 3 x 750.00        =   9,000.00
10 வருடத்துக்கு                              10  x 9,000.00         =   90,000.00

அல்லாஹ் கூறுகிறான்,

‘மேலும், உறவினர், வறியோர், வழிப்போக்கர் ஆகியோரின் உரிமையை வழங்குவீராக! நீர் வீண்விரயம் செய்ய வேண்டாம்.’

‘நிச்சயமாக வீண்விரயம் செய்வோர் ஷைத்தானின் சகோதரர்களாகவே இருக்கின்றனர். ஷைத்தான் தனது இரட்சகனுக்கு நன்றி கெட்டவனாகவே இருக்கின்றான்.’ (17:26-27)

‘ஆதமுடைய சந்ததியினரே! தொழுமிடத்தி லெல்லாம் (ஆடைகள் எனும்) உங்கள் அலங்காரத்தை எடுத்துக் கொள்ளுங்கள். இன்னும், உண்ணுங்கள்ளூ பருகுங்கள்ளூ வீண் விரயம் செய்யாதீர்கள். நிச்சயமாக அவன் வீண்விரயம் செய்பவர்களை நேசிக்க மாட்டான்.’ (7:31)

எனவே உங்களுடைய பணத்தை புகைத்தல் போன்ற வீண்விரயங்களுக்காக செலவழிப்பதை அல்லாஹ் விரும்புவானா? iஷத்தானை உங்களுடைய சகோதரனாக எடுத்துக் கொள்ள விரும்புகின்றீர்களா? என்பதை ஒரு தடவை சிந்தித்துப் பாருங்கள்.

03. புகைத்தல் தற்கொலையாகும்:
புகை ஒரு மனிதனை மரணத்தின் பால் இட்டுச் செல்லுமே அன்றி வேறில்லை. ஒரு சிகரட் ஒரு மனிதனுடைய ஆயுளில் 11 செக்கன்களைக் குறைக்கின்றது என்பது அறிவியல் முடிவு.

‘நம்பிக்கை கொண்டோரே! உங்களுக்கு மத்தியில் பொருத்தத்தின் அடிப்படையில் நடைபெறும் வியாபாரத்தைத் தவிர, உங்கள் சொத்துக்களை உங்களுக்கிடையில் தவறான முறையில் உண்ணாதீர்கள். மேலும், உங்களை நீங்களே கொன்று விடாதீர்கள். நிச்சயமாக அல்லாஹ் உங்களுடன் நிகரற்ற அன்புடையவனாக இருக்கின்றான்.’

‘வரம்பு மீறியும், அநியாயமாகவும் யார் இதைச் செய்கின்றானோ அவனை நாம் நரகத்தில் சேர்ப்போம். இது அல்லாஹ்வுக்கு மிக இலகுவானதாகவே இருக்கின்றது.’ (4:29-30)

‘மேலும், அல்லாஹ்வின் பாதையில் செலவு செய்யுங்கள். (செலவு செய்யாமல்) அழிவின் பக்கம் உங்கள் கைகளைக் கொண்டு செல்லாதீர்கள். நன்மையும் செய்யுங்கள். நிச்சயமாக அல்லாஹ் நன்மை செய்வோரை நேசிக்கின்றான்.’  (2:195)

இவ்வசனங்களிலே அல்லாஹ் தற்கொலை ஒரு மனிதனை நரகின் பால் இட்டுச் செல்லும். நீங்கள் உங்களையே அழித்துக் கொள்ளாதீர்கள் எனக் குறிப்பிடுகின்றான்.

புகைத்தல் என்பது மனிதனை கொஞ்சம் கொஞ்சமாக கொலை செய்கிறது என்பது யாவரும் அறிந்த விடயமே! எனவே புகைத்துப் புகைத்து உங்களை நீங்களே அழித்துக் கொள்ளப் போகின்றீர்களா? நரகப்படுகுழியின் சொந்தக்காரர்களாக மாறுவது உங்கள் விருப்பமா? சிந்தியுங்கள்!!

                                                   

                                                               

                                                                   

04. புகைத்தல் ஒரு தீங்காகும்:
நபி(ஸல்) அவர்கள் கூறினார்கள் ‘தனக்கும் தீங்கிழைக்கக் கூடாது, பிறருக்கும் தீங்கிழைக்கக் கூடாது’

புகைத்தல் மூலமாக புகைக்கக் கூடியவனுக்கு மாத்திரமன்றி, அப்புகையை சுவாசிக்கும் அனைவருக்குமே அது தீங்காக அமைகின்றது என்பது அனைவரும் அறிந்த விடயமே. ஆகவே உங்களுக்கும் தீங்கிழைத்து, பிறருக்கும் தீங்கிழைக்க நீங்கள் விரும்புகின்றீர்களா? உங்களையும் கொலை செய்து கொண்டு, அடுத்த அப்பாவி மனிதர்களையும் கொலை செய்ய நீங்கள் விரும்புகின்றீர்களா?

05. புகைத்தல் பிறரைத் துன்புறுத்தும்:
நீங்கள் பீடி, சிகரட், சுருட்டு போன்றவற்றை புகைத்து விடும் புகையினால் அல்லாஹ்வின் அடியார்கள், சிறு குழந்தைகள் துன்பப்படுகின்றார்கள். புகையிலுள்ள வாடை அடுத்தவர்களின் உணர்வுகளைக் காயப் படுத்துகின்றது. அல்லாஹ் கூறுகிறான்

‘எவர்கள் நம்பிக்கையாளர்களான ஆண் களையும், நம்பிக்கையாளர்களான பெண்களையும் அவர்கள் செய்யாதவற்றிற்காக நோவினை செய்கின்றனரோ, நிச்சயமாக அவர்கள் அவதூற்றையும் தெளிவான பாவத்தையுமே சுமந்துள்ளனர்.’ (33:58)

எனவே விசுவாசிகளின் உணர்வுகளைக் காயப்படுத்தக் கூடிய, பிறருக்கு வெறுப்பை ஏற்படுத்தக் கூடிய புகைத்தலை விட்டுவிட வேண்டும். இல்லையெனில்; அல்லாஹ்வின் வெறுப்பையும், கோபத்தையும் பெற்றுக் கொள்ள வேண்டி வரும்.

06. புகைப்பவர்கள் பள்ளிவாசல்களுக்குள் நுழையமுடியாது:
பள்ளிவாசலுக்குள் நுழையும் போது அழகான, தூய்மையான முறையில் நுழைய வேண்டும் என இஸ்லாம் பணிக்கின்ற அதே வேளை, ஆகுமாக்கப்பட்ட வெங்காயம், வெள்ளைப்பூண்டு ஆகியவற்றை சமைக்காது பச்சையாக உண்ட நிலையில் நுழையக் கூடாது என பணிக்கின்றது. அதன் வாடை தொழுகையாளிகளுக்கு அசௌகரியங்களை ஏற்படுத்தும், அவர்களின் வணக்கங்களை ஒழுங்கான முறையில் நிறைவேற்ற முடியாமல் போய்விடும், மலக்குமார்களின் வெறுப்பை ஏற்படுத்தும், அல்லாஹ்விடம் குறித்த வணக்கம் வெற்றியடையாமல் போய்விடும் என்பத னாலேயே வெங்காயம், பூண்டு என்பனவற்றை சமைக்காது பச்சையாக சாப்பிட்ட நிலையில் பள்ளிவாசலுக்குள் வரக்கூடாது என இஸ்லாம் தடை செய்கின்றது.

அதே போன்றுதான் புகைத்த நிலையில் பள்ளிவாசலுக்குள் வந்தால் அல்லாஹ்வின் அடியார்கள் அவ்வாடையால் வெறுப்படை கின்றனர். அதேபோல் வானவர்களும் வெறுப்படைகின்றனர். சாதாரண மனிதர் களுக்கே இடைஞ்சல் கொடுக்கக் கூடாது என்று இருக்கும்போது இவ்வுலகைப் படைத்து, அடக்கியாளக்கூடிய அல்லாஹ்வுக்கு முன்னால் புகையின் வாடையோடு எப்படி நிற்க முடியும்? அல்லாஹ் தடுத்ததை செய்ததோடு மாத்திரமன்றி, கெட்ட வாடையோடு அவனோடு உரையாட வருகின்றீர்களே, நீங்கள் அல்லாஹ்வை விட மேலோங்கியவர்களா? சிந்தியுங்கள்.!

07. புகைப்பவர்கள் கெட்ட வாடைகளை வாங்குவதற்காக பணங்களை                       செலவழிக்கின்றனர்:
நல்லவர்கள் வாசனைத் திரவியங்களை வாங்குவதற்காகப் பணங்களை செலவளிக் கின்றனர். வியாபாரிகளிடம் அதிக வாசனை உள்ள திரவியங்களை வாங்கிப் பயன் படுத்துவதன் மூலமாக விருந்தாளிகள், அடுத்த மனிதர்களின் மனங்களை குளிர வைக்கின் றார்கள். வாசனைத் திரவியம் பயன்படுத்திய ஒரு மனிதரிடம் சென்றால் மனம் குளிர்ச்சி யடைந்து, நல்ல சிந்தனைகள் உருவாகின்றது. உள்ளங்கள் மகிழ்ச்சியடைகின்றன.

ஆனால் புகைத்து விட்டு வரும் போது உங்களிடமுள்ள கெட்ட வாடை அடுத்த மனிதர்களை என்ன செய்கின்றது? என்ன செய்யும் என்பது நீங்கள் அறிந்த விடயமே! இவ்வாறான கெட்ட வாடையை பணங்கொடுத்து வாங்குகின்றீர்களே! இது நியாயமா? என்பதை சிந்தித்துப் பாருங்கள்.

08. புகைத்தல் உங்கள் அன்பை, பாசத்தை எதிர்பார்க்கும் உங்களது அன்பான மனைவியரை வெறுப்படையச் செய்கின்றது:
உங்களுடைய மனைவி சுத்தமாக இருக்க வேண்டும், அவளிடம் நறுமணம் கமள வேண்டும் என்றெல்லாம் விரும்பக்கூடிய நீங்கள், உங்களுடைய மனைவி நீங்களும் சுத்தமாக இருக்க வேண்டும். உங்களிடமும் நறுமணம் வரவேண்டும் என்று ஆசைப் படுன்றாள். ஆனால் நீங்கள் உங்களுக்கு மட்டும்தான் மனசாட்சி இருப்பது போல் உங்கள் மனைவியரின் மனசாட்சியை மதிக்காது புகைத்துக் கொண்டு, அல்லது அந்தக் கெட்ட வாடையோடு உங்கள் மனைவியரோடு ஒன்று கூடுகிறீர்களே! ஏன் உங்கள் மனைவியரை கொடுமைப்படுத்துகின்றீர்கள்???

09. புகைத்தல் ஆண்மையை அழித்து விடும்:
புகைத்தல் ஒரு மனிதனுடைய ஆண்மையை இழக்கச் செய்து, சந்ததி அற்றவனாக மாற்றுகின்றது. அதே போல் சந்ததிகள் உருவானாலும் குறையுடையதாகவே இருக்கும். இது அறிவியல் உண்மை. எனவே, ஆண்மை அல்லாஹ் தந்த அருள். அதை வீணாக்கி, அழிந்து விடாதீர்கள்.

அல்லாஹ் மறுமை நாளில் உங்களுக்கு வழங்கப்பட்ட அருட்களைப் பற்றிக் கேட்பான். அவ்வருட்களில் ஒன்றுதான் ஆண்மை. இதனைப்பற்றி அல்லாஹ் கேட்கும் போது நீங்கள் என்ன பதில் கூறப் போகின்றீர்கள்?

10. புகைத்தல் குழந்தைகளின் ஆரோக் கியத்தைச் சீரழித்துவிடும்:
புகைத்தல் குழந்தைகள் ஆரோக்கிய மின்றியும், வளர்ச்சி குன்றியதாகவும், அதிக குறையுடையவைகளாகவும் இருப்பதற்குப் பெரும் பங்காற்றுகின்றது.

11. புகைத்தல் குழந்தை வளர்ப்பை நாசப்படுத்திவிடும்:
உங்கள் குழந்தைகள் அல்லாஹ் உங்களுக்கு வழங்கிய அமானிதம். அவர்களைப் பராமரிப்பது, ஒழுக்கம் உள்ளவர்களாக வளர்ப்பது உங்கள் பொறுப்பு. இந்நிலையில் நீங்கள் புகைத்துக் கொண்டு. உங்கள் பிள்ளைகளைப் பண்புள்ளவர்களாக வளர்க்க முடியுமா? உங்கள் பிள்ளை உங்கள் பேச்சை மதிக்குமா?

நீங்கள் புகைப்பிடிப்பதைப் பார்க்கும் உங்கள் பிள்ளைகள் நீங்கள் செய்வது போல் பேப்பரை சுருட்டி அல்லது கம்புத் துண்டுகளை வைத்து செய்து பார்க்கின்றது. இதில் அதிக ஆர்வம் வந்ததும் கடைகளுக்குச் சென்று சிகரட், பீடி, சுருட்டு போன்றவற்றைத் தந்தை பெயர் கூறி வாங்கிச் சென்று, அதனை நிஜத்தில் யாரும் அறியாமல், மறைந்து புகைக்கும் உங்கள் பிள்ளை, காலப்போக்கில் உங்கள் முன்னால் காலுக்குமேல் கால் போட்டு புகைக்கும் போது உங்களால் என்ன செய்ய முடியும்? நீங்கள் உங்கள் பிள்ளைகளைப் பார்த்து ‘புகைக்காதே’ என்று கூறினால், நீங்களும் புகைக்கின்றீர்களே, நீங்கள்தான் எமக்கு வழிகாட்டி’ என்று சொன்னால் உங்களால் என்ன செய்ய முடியும்?

பெற்றோர்களே! உங்கள் பிள்ளைகளை ஒழுங்கான பிள்ளைகளாக வளர்க்க வேண்டுமாக இருந்தால் நீங்கள் புகைத்தலை நிறுத்த வேண்டும். இல்லையேல் உங்கள் பிள்ளைகள் சமூகத்திலே ஒரு மோசமான பிள்ளையாக உருவாகும் என்பதில் எள்ளளவும் சந்தேகமில்லை. எனவே சிந்தியுங்கள்.

12. புகைத்தல் வணக்கங்களை விட்டும் தூரப்படுத்தும்:
தொழுகையை நிறைவேற்றுவது, நோன்பு பிடிப்பது போன்ற இன்னோரன்ன வணக்கங்கள் புரிவதை விட்டும் புகைத்தல் உங்களை வெறுப்படையச் செய்யும். உங்களை நல்ல விடயங்கள் செய்வதை விட்டும் தூரப்படுத்தும். பாவமான காரியங்கள் செய்வதன்பால் உங்களைத் தூண்டும். இன்று புகைபிடிப்பவர்களில் எத்தனை பேர் நல்லது செய்கின்றார்கள் என்று நீங்கள் பார்த்தால் இதனைப் புரிந்து கொள்ளலாம்.

எனவே, வணக்கங்கள் புரிவதற்குத் தடையாக உள்ள இப்புகைத்தல் உங்களுக்குத் தேவைதானா? கெட்ட விடயங்களைத் தூண்டக் கூடிய இப்புகைத்தல் தேவைதானா? என்பதைப் பற்றி சிந்தித்துப் பாருங்கள்.

13. புகைத்தல் உங்களை பலவீனப் படுத்திவிடும்:
நீங்கள் உலகிலே வாழ்வதற்கு, உற்சாகம், தைரியம், சக்தி என்பன இருக்க வேண்டும். நீங்கள் புகைப்பதனால் உங்கள் உற்சாகம் சிதைவடைந்து சோம்பல் ஏற்படுகிறது. உங்கள் சக்தி குன்றி, பலவீனம் ஏற்படுகின்றது. இதனால் ஒரு வேலையை ஒழுங்காக, திருப்தியாக செய்ய முடியாமல் போகின்றது. இதனால் நீங்கள் உங்களுக்கும், உங்கள் குடும்பத்திற்கும், சமுதாயத்திற்கும் பாரமாக இருக்கின்றீர்கள். இப்படி இருப்பதுதான் உங்கள் விருப்பம் எனில் நீங்கள் புகையுங்கள்.

14. புகைத்தல் பற்களை நாசமாக்கிவிடும்:
பற்கள் அல்லாஹ் மனிதனுக்கு வழங்கிய ஒரு அருட்கொடை. பல் இல்லாத மனிதனைப் பார்த்தால், அவன் படுகின்ற வேதனைகளைப் பார்த்தால் நமக்கும் பற்களின் அருமை தெரியும். நீங்கள் புகைப்பதன் மூலமாக உங்கள் பற்கள் மஞ்சலித்து கருத்துவிடுகின்றது. இதனால் பால் சார்ந்த பல நோய்களுக்கு நீங்கள் உள்ளாக்கப் படுகின்றீர்கள். இந்நிலையில் ஆரோக்கியமாக உள்ள உங்கள் பற்களை நாசப் படுத்துகின்றீர்கள்?

15. புகைப்பவன் நஞ்சு அருந்துகின்றான்:
நீங்கள் அன்றாடம் புகைக்கக் கூடியவற்றில் பின்வரும் நச்சு இரசாயனப் பொருட்கள் காணப்படுகின்றது.

1.  மின் கலங்களில் பயன்படுத்தப்படும் கட்மியம் (Cadmium) எனும் உலோகம்.
2.  மெழுகிலுள்ள ஸ்ரீரியக் (Stearic) எனும் அமிலம்.
3. கரைப்பானாகப் பயன்படுத்தப்படும் தொலைன் பூச்சிகளைக் கொல்லும் திரவத்திலுள்ள நிகொட்டின் (Nicotine).
கு மலசலகூட சுத்திகரிப்பானில் பயன்படுத்தப்படும் அமோனியா (Ammonia).
கு சேற்று நிலங்களில் இயற்கையாக உருவாகும் மெதென் வாயு.
கு ஏவுகணைகளுக்குரிய எரிபொருளான மெதனோல் (Methanol).

எனவே இவ்வளவு பயங்கரமான நச்சுப் பொருட்களை உள்ளடக்கியுள்ள பொருட்களை நீங்கள் புகைப்பது கூடுமா?

இது போல் நீங்கள் புகைக்கும் போது வெளிவரும் புகையில் 400க்கும் அதிகமான இரசாயனப் பொருட்கள் காணப்படுகின்றன. இவற்றில் 50 வீதமானவை சுவாசப் புற்று நோயை ஏற்படுத்துபவைகளாகவுள்ளன.

16. புகைத்தல் புற்று நோய்களை (Cancer) உருவாக்கும்:
நீங்கள் புகைப்பதனால் கண் அழற்சி (Cataracts), மாரடைப்பு, இரத்தக் கொதிப்பு, இருதய நோய், பக்கவாதம், இரத்தக் குழாய் அடைப்பு, தொடர் இருமல், ஆஸ்துமா, மூக்கடைக்கச் செய்தல், ஆண்மா குன்றல், பாலியல் பலவீனம், சளி, காசநோய், மந்தப்புத்தி, ஒவ்வாமை, வயிற்றுப்புண், செவிட்டுத் தன்மை, தோல் சுருங்கல், தோல் அலற்சி, பற்சிதைவு, விரல் நிறம் மாறுதல், எண்புப்புரை என பல நோய்கள் ஏற்படுகின்றன.

புகைத்தல் தொடர்பான நோய்களால் பாதிக்கப்பட்டு உலகில் நிமிடத்திற்கு 6 பேர் மரணிப்பதாக சர்வதேச சுகாதார ஸ்தாபனத்தின் அறிக்கை தெரிவிக்கின்றது. அதேபோல் 20ம் நூற்றாண்டில் 100 மில்லியன் பேரும், 21ம் நூற்றாண்டில் இதுவரை 1 பில்லியன் பேரும் மரணிப்பதாக ஆய்வறிக்கையொன்று கூறுகின்றது.

எனவே நீங்கள் பயங்கரமான நோய்களையும், மரணத்தையும் ஏன் விலை கொடுத்து வாங்குகின்றீர்கள்?

17. புகைத்தல் அல்லாஹ்வின் கோபத்திற்கு ஆளாக்கும்:
நீங்கள் இறைவனால் தடுக்கப்பட்ட ஒன்றை செய்யும்போது அல்லாஹ் அதிகமாகக் கோபப்படுகின்றான். புகைத்தல் அல்லாஹ்வால் தடுக்கப்பட்ட ஒன்றாகும். அல்லாஹ் கூறுகிறான்

‘உங்களுக்கு நாம் வழங்கியவற்றில் தூய்மையான வற்றையே உண்ணுங்கள். அதில் நீங்கள் வரம்பு மீறாதீர்கள். அவ்வாறெனில் என் கோபம் உங்கள் மீது இறங்கி விடும். எனது கோபம் எவன் மீது இறங்கி விடுகின்றதோ அவன் நிச்சயமாக அழிந்து விட்டான்.’ (20:81)

18. புகைத்தல் ஒரு போதை:
போதையை ஊட்டக் கூடிய அனைத்துமே ஹராமாகும். அவ்வகையில் புகைத்தலும் போதையை ஊட்டக் கூடியதே.

‘(நபியே!) மது, சூதாட்டம் குறித்து அவர்கள் உம்மிடம் கேட்கின்றனர். ‘அவ்விரண்டிலும் பெரும்கேடும், மனிதர்களுக்கு (சில) பயன்களும் இருக்கின்றன. எனினும், அவ்விரண்டின் பயனை விட அவ்விரண்டின் கேடு மிகப்பெரியதாகும்’ எனக் கூறுவீராக! மேலும், தாம் எதைச் செலவு செய்வது? என்றும் உம்மிடம் கேட்கின்றனர். ‘(தேவைக்குப் போக) மீதமுள்ளதை’ எனக் கூறுவீராக! நீங்கள் சிந்திக்க வேண்டும் என்பதற்காக இவ்வாறே அல்லாஹ் வசனங் களை உங்களுக்குத் தெளிவுபடுத்துகின்றான்.’ (2:219)

‘நம்பிக்கை கொண்டோரே! மதுவும், சூதாட்டமும், (வணக்கத்திற்காக) நடப்பட்டவைகளும், குறிபார்க்கும் அம்புகளும் ஷைத்தானின் அருவருக்கத்தக்க செயலி லுள்ளவைகளாகும். எனவே, நீங்கள் வெற்றி பெறும் பொருட்டு அதைத் தவிர்ந்து கொள்ளுங்கள்.’

‘ஷைத்தான் விரும்புவதெல்லாம் மது, சூதாட்டம் என்பவற்றின் மூலம், உங்களுக்கிடையில் பகைமையையும், குரோதத்தையும் ஏற்படுத்தவும், உங்களை அல்லாஹ்வின் நினைவை விட்டும், மற்றும் தொழுகையை விட்டும் தடுத்து விடவுமேயாகும். எனவே, நீங்கள் விலகிக்கொள்வீர்களா?’ (5:90-91)

‘அனைத்து போதைகளும் ஹராம்’ என்ற ஹதீஸுக்கு ஏற்ப ஹராத்திலிருந்து உடனடியாக விடுபடுவோம்!

எனவே புகைத்தலை எம் சமூகத்தை விட்டும் ஒழித்து, ஆரோக்கியமுள்ள ஒரு சமுதாயத்தை கட்டியெழுப்புவோம் அதற்கு வல்லவன் அல்லாஹ் நம்மனைவருக்கும் அருள்புரிவானாக!